អ្នកត្រួតពិនិត្យជំនាញអាចប្រើប្រាស់សេចក្ដីណែនាំសម្រាប់ការធ្វើការត្រួតពិនិត្យ អត្ថបទស្រាវជ្រាវ ដែល បានបញ្ជូនមកកាន់ ទស្សនាវដ្តីស្រាវជ្រាវ វិទ្យាសាស្រ្ត ស.អ. នៃសហគ្រិនភាព និងនវនុវត្តន៍បៃតង AU Journal of Entrepreneurship and Green Innovation -AUJEGI ដូចមានបង្ហាញជូនខាងក្រោមដើម្បី ជាមូលដ្ឋានក្នុងការផ្តល់មតិយោបល់។ អ្នកត្រួតពិនិត្យជំនាញអាចប្រើប្រាស់សេចក្ដីណែនាំសម្រាប់ការធ្វើ ការត្រួតពិនិត្យ អត្ថបទស្រាវជ្រាវដែលបានបញ្ជូនមកកាន់ AUJEGI ដូចមានបង្ហាញជូនខាងក្រោមដើម្បី ជាមូលដ្ឋាន ក្នុងការផ្តល់មតិយោបល់។

• តើអត្ថបទនេះស្ថិតក្នុងវិសាលភាពរបស់ទស្សនាវដ្តីស្រាវជ្រាវនេះដែរឬទេ? តើខ្លឹមសារនៃអត្ថបទ នេះថ្មីដែរឬទេ ?
• តើការបកស្រាយលទ្ធផល និងសេចក្តីសន្និដ្ឋានឈរលើមូលដ្ឋានទិន្នន័យ និងស្របគ្នាជាមួយ គោលបំណង ដែរឬទេ?
• បើសិនចម្លើយនៃសំណួរទាំងបីខាងលើបង្ហាញភាពអវិជ្ជមាន សូមផ្ដល់ទង្វើករច្បាស់លាស់ក្នុងការ បដិសេធអត្ថបទនេះនៅក្នុងទម្រង់របាយការណ៍ត្រួតពិនិត្យ។
• តើការរៀបចំអត្ថបទស្រាវជ្រាវនេះគួរជាទីពេញចិត្តដែរឬទេ? រៀបចំតាមទម្រង់ដែលបានផ្ដល់ជូនដែរ ឬទេ?
• តើសម្ភារ និងវិធីសាស្ត្រស្រាវជ្រាវ (Materials and methods) ត្រឹមត្រូវ និងអាចឱ្យគេយក ទៅអនុវត្ត បន្តបានដែរឬទេ?
• តើលទ្ធផលនៃអត្ថបទនេះបានបង្ហាញច្បាស់លាស់ដែរឬទេ? តើលទ្ធផលត្រូវបានពិភាក្សាជាមួយ ឯកសារពាក់ព័ន្ធបានគ្រប់គ្រាន់ដែរឬទេ?
• តើខ្លឹមសារសមគ្នាជាមួយប្រវែងនៃសំណេរដែរឬទេ?
• តើភាសាដែលប្រើប្រាស់ត្រឹមត្រូវ និងងាយយល់សម្រាប់អ្នកអានពហុវិស័យដែរឬទេ?
• តើតារាងនិងរូបភាពដែលមាននៅក្នុងអត្ថបទនេះរៀបចំរចនាបានល្អដែរឬទេ? ពេញលេញដែរទេ? ឬច្រើនពេកទេ?
• តើឯកសារយោងដែលប្រើប្រាស់ថ្មី និងគ្រប់គ្រាន់ដែរឬទេ?
• បន្ទាប់ពីពិនិត្យមើលលើចំណុចខាងលើរួច អ្នកត្រួតពិនិត្យជំនាញត្រូវផ្តល់មតិយោបល់ ចុងក្រោយ សម្រាប់និពន្ធនាយកទទួលបន្ទុកពិនិត្យ និងសម្រេច៖ បដិសេធមិនឱ្យបោះពុម្ព, យល់ព្រម ឱ្យបោះពុម្ព ដោយត្រូវកែសម្រួលតិចតួច, យល់ព្រមឱ្យបោះពុម្ពដោយត្រូវកែសម្រួលច្រើន
• អ្នកត្រួតពិនិត្យជំនាញអាចប្រើប្រាស់ទម្រង់ខាងក្រោមសម្រាប់បង្ហាញមតិយោបល់របស់ខ្លួនរួចផ្ញើ មកកាន់និពន្ធនាយករបស់ AUJREGI។