អត្ថបទស្រាវជ្រាវដែលអ្នកនិពន្ធបញ្ជូនមកទស្សនាវដ្ដីស្រាវជ្រាវវិទ្យាសាស្រ្ត ស.អ. នៃសហគ្រិនភាព និងនវានុវត្តន៍បៃតង ត្រូវឆ្លងកាត់ការត្រួតពិនិត្យពីអ្នកត្រួតពិនិត្យជំនាញ ដោយទាំងអ្នកនិពន្ធ និងអ្នកត្រួត ពិនិត្យជំនាញមិនស្គាល់អត្តសញ្ញាណគ្នា (Double blind peer review) ដូចមានបង្ហាញជូនខាងក្រោម៖

• អ្នកនិពន្ធបញ្ជូនអត្ថបទស្រាវជ្រាវមិនទាន់បោះពុម្ព (Manuscript) មកកាន់មជ្ឈមណ្ឌលស្រាវជ្រាវ ដើម្បីឧត្តមភាព និងនវានុវត្តន៍ ។
• ម.ស.ឧ.ន និងរាយការណ៍ជូននិពន្ធនាយកត្រួតពិនិត្យ និងវាយតម្លៃថាតើអត្ថបទស្រាវជ្រាវ មិនទាន់ បោះពុម្ពនេះសមស្របអាចពិចារណាឱ្យបន្ត ដើម្បីឱ្យអ្នកជំនាញត្រួតពិនិត្យឬបដិសេធមិនឱ្យបោះពុម្ព តែម្តង។
• ករណីអត្ថបទស្រាវជ្រាវមិនទាន់បោះពុម្ព ដែលបញ្ជូនមកឆ្លើយតបនឹងលក្ខខណ្ឌរបស់ទស្សនាវដ្ដី ស្រាវជ្រាវ និពន្ធនាយកផ្ញើទៅកាន់ អ្នកត្រួតពិនិត្យឯករាជ្យចំនួន ២នាក់ ដើម្បីវាយតម្លៃលក្ខណៈ វិទ្យាសាស្ត្រ នៃអត្ថបទ។ បន្ទាប់ពីទទួលបានរបាយការណ៍ពីអ្នកត្រួតពិនិត្យជំនាញ និពន្ធនាយក ត្រូវចាត់ចែងបញ្ចូនអត្ថបទ ជាមួយនឹងមតិយោបល់ទៅកាន់អ្នកនិពន្ធវិញដើម្បីកែសម្រួល។
• អ្នកនិពន្ធកែសម្រួល រួចបញ្ជូនមកកាន់និពន្ធនាយកវិញ ដើម្បីពិនិត្យមើលសារជាថ្មី។ និពន្ធនាយក សម្រេចអនុញ្ញាតឱ្យបោះពុម្ព ឬបដិសេដ។
• ប្រសិនអត្ថបទត្រូវបាននិពន្ធនាយកសម្រេចអនុញ្ញាតឱ្យបោះពុម្ព ក្រុមការងារបច្ចេកទេស នឹងរៀបចំ អត្ថបទក្នុងទម្រង់ដែលត្រូវបោះពុម្ព។
• និពន្ធនាយកនឹងមិនត្រូវបានអនុញ្ញាតឱ្យចូលរួមសម្រេចចិត្តលើអត្ថបទដែលខ្លួន ក្រុមគ្រួសារ មិត្តភក្តិ ឬអ្នកធ្វើការជាមួយស្និទ្ធស្នាល ឬអត្ថបទដែលមានការទាក់ទងនឹងផលប្រយោជន៍របស់និពន្ធនាយកឡើយ។
• រយៈពេលពីការផ្ញើអត្ថបទរហូតដល់ការបោះពុម្ពផ្សាយ មានបង្ហាញជូនក្នុងតារាងខាងក្រោម៖

ដំណើរការរៀបចំ និងពិនិត្យអត្ថបទស្រាវជ្រាវដើម្បីបោះពុម្ពក្នុងទស្សនាវដ្តី ស្រាវជ្រាវវិទ្យាសាស្រ្ត ស.អ. នៃសហគ្រិនភាព និងនវនុវត្តន៍បៃតង AU Journal of Entrepreneurship and Green Innovation